പുറമേരി: ഈ മാസം 24 ന് ഉപതെരഞ്ഞെടുപ്പ് നടക്കുന്ന പുറമേരി കുഞ്ഞല്ലൂര്‍ 14-ാം വാര്‍ഡില്‍ മത്സരിക്കുന്നതിന് യുഡിഎഫ് പത്രിക നല്‍കി. പാച്ചിപ്പറമ്പത്ത് അജയനാണ് (കോണ്‍ഗ്രസ്) സ്ഥാനാര്‍ഥി. കോണ്‍ഗ്രസ് നേതാവായിരുന്ന പരേതനായ പി.ബാലകൃഷ്ണ കുറുപ്പിന്റെ മകനാണ് അജയന്‍. നേതാക്കളായ വി.പി.കുഞ്ഞത്, പി.അജിത്, എം.കെ.ഭാസ്‌കരന്‍, കെ.സജീവന്‍, ടി.കുഞ്ഞിക്കണ്ണന്‍,
പി.ശ്രീലത, റീത്ത കണ്ടോത്ത്, ബീന കല്ലില്‍, എന്‍.കെ വിശ്വംഭരന്‍, ചെത്തില്‍ കുമാരന്‍, പി.ദാമോദരന്‍, അമ്പോളി രവി, എം.കെ.കുഞ്ഞിരാമന്‍ ഉള്‍പ്പെടെയുള്ള നേതാക്കളോടൊപ്പമെത്തിയാണ് വരണാധികാരിക്ക് പത്രി സമര്‍പ്പിച്ചത്. പഞ്ചായത്ത് വൈസ് പ്രസിഡന്റായിരുന്ന വിജയന്റെ നിര്യാണത്തെ തുടര്‍ന്നാണ് ഉപതെരഞ്ഞെടുപ്പ് നടക്കുന്നത്.
