മാലിന്യമുക്തം നവകേരളം: വളയത്ത് ഹരിതപ്രഖ്യാപനം

നാദാപുരം: മാലിന്യമുക്തം നവകേരളം രണ്ടാം ഘട്ട ക്യാമ്പയിന്റെ ഭാഗമായി വളയം ഗ്രാമ പഞ്ചായത്ത് സമ്പൂര്‍ണ ഹരിതവിദ്യാലയം, ഹരിത സ്ഥാപനം, ഹരിത അയല്‍ക്കൂട്ടം പ്രഖ്യാപനങ്ങളുടെ ഉദ്ഘാടനം പഞ്ചായത്ത് പ്രസിഡന്റ് കെ.പി.പ്രദീഷ് നിര്‍വ്വഹിച്ചു. വൈസ് പ്രസിഡന്റ് പി.ടി. നിഷ അധ്യക്ഷത വഹിച്ചു. അസിസ്റ്റന്റ് സെക്രട്ടറി രാജീവന്‍ പുനത്തില്‍ സ്വാഗതം പറഞ്ഞു. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ കെ.എം.അശോകന്‍, ക്ഷേമ കാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ സുമതി.പി, മെമ്പര്‍മാരായ സുശാന്ത് വളയം, വിജീഷ് കെ.കെ, നവകേരളം ബ്ലോക്ക് കോ ഓര്‍ഡിനേറ്റര്‍ കുഞ്ഞിരാമന്‍ കെ, ഹെല്‍ത്ത് ഇന്‍സ്‌പെക്ടര്‍ സുധിന വി.പി. എന്നിവര്‍ സംസാരിച്ചു.