വടകര: ഒഞ്ചിയം പഞ്ചായത്ത് നാലാം വാര്‍ഡില്‍ വീടിനു തീപിടിച്ചു. മഠത്തില്‍ ശശിധരന്റെ വീടിന്റെ അടുക്കളയുടെ
മുകളിലാണ് അഗ്നിബാധ. ഇവിടെ സൂക്ഷിച്ച ആയിരത്തിലേറെ തേങ്ങയും വിറകും കത്തിനശിച്ചു. ഇന്ന് ഉച്ചയോടെയാണ് തീപിടിത്തമുണ്ടായത്. വടകര അഗ്‌നിരക്ഷാനിലയത്തില്‍ നിന്നെത്തിയ രണ്ട് യൂണിറ്റ് രണ്ട് മണിക്കൂറോളം പണിപ്പെട്ടാണ് 
തീയണച്ചത്. വീടിന്റെ മറ്റുഭാഗത്തേക്ക് തീ പടര്‍ന്നില്ല.
സ്റ്റേഷന്‍ ഓഫീസര്‍ പി.ഒ.വര്‍ഗീസിന്റെ നേതൃത്വത്തില്‍ സീനിയര്‍ ഫയര്‍ & റെസ്‌ക്യു ഓഫീസര്‍ ഒ.അനീഷ്, ഫയര്‍ ഓഫീസര്‍മാരായ കെ.പി.ബിജു, എം.എം.റിജീഷ് കുമാര്‍, വി.കെ.ബിനീഷ്, പി.കെ.ജയ്‌സല്‍, ഐ.ബിനീഷ്, മനോജ്.കെ.കെ, ലികേഷ്.വി, അര്‍ജുന്‍.സി.കെ, ഹരിഹരന്‍.സി, ഫസലുള്ള. കെ. എന്നിവരടങ്ങിയ സംഘമാണ് തീയണച്ചത്.
