കൊയിലാണ്ടി: 30 കുപ്പി മാഹി മദ്യവുമായി മധ്യവയസ്‌കന്‍ പിടിയില്‍. തിക്കോടി പെരുമാള്‍പുരം പടിഞ്ഞാറെ തെരുവത്ത് താഴെ വീട്ടില്‍ ഷൈജനെയാണ് (52) കൊയിലാണ്ടി റേഞ്ചിലെ അസി:എക്‌സൈസ് ഇന്‍സ്‌പെക്ടര്‍ (ഗ്രേഡ്) പ്രവീണ്‍ ഐസക്കും പാര്‍ട്ടിയും അറസ്റ്റ് ചെയ്തത്. പുതുശ്ശേരി സംസ്ഥാനത്ത് മാത്രം വില്പനാവകാശമുള്ള മദ്യവുമായി പെരുമാള്‍പുരം ഭാഗത്ത് നിന്നാണ് ഇയാള്‍
പിടിയിലായത്. പ്രതിയെ പയ്യോളി ഫസ്റ്റ് ക്ലാസ് ജുഡീഷ്യല്‍ മജിസ്‌ട്രേറ്റ് കോടതി 14 ദിവസത്തേക്ക് റിമാന്റ് ചെയ്തു. എക്‌സൈസ് പാര്‍ട്ടിയില്‍ പ്രിവന്റീവ് ഓഫീസര്‍ (ഗ്രേഡ്) ശ്രീജിത്ത് സി കെ, ഷംസുദീന്‍.ടി, വനിത സിഇ ഒ രേഷ്മ.ആര്‍, സിഇഒ ഡ്രൈവര്‍ സന്തോഷ് കുമാര്‍ എന്നിവരുടെ നേതൃത്വത്തിലായിരുന്നു നടപടി.
