കണ്ണൂക്കരയില്‍ ഓട്ടോയ്ക്ക് നേരെ ആക്രമണം; എസ്ഡിപിഐ പ്രതിഷേധിച്ചു

കണ്ണൂക്കര: എസ്ഡിപിഐ മുന്‍ ഒഞ്ചിയം പഞ്ചായത്ത് സെക്രട്ടറിയും എസ്ഡിടിയു ജില്ലാ സെക്രട്ടറിയുമായ ഉനൈസ് ഒഞ്ചിയത്തിന്റെ ഓട്ടോറിക്ഷ കഴിഞ്ഞദിവസം രാത്രി കണ്ണൂക്കരയില്‍ വെച്ച് ആക്രമിച്ചതില്‍ പ്രതിഷേധിച്ച് എസ്ഡിപിഐ ഒഞ്ചിയം പഞ്ചായത്ത് കമ്മിറ്റിയുടെ നേതൃത്വത്തില്‍ പ്രകടനം സംഘടിപ്പിച്ചു. പ്രതിഷേധ പരിപാടി എസ്ഡിപിഐ ഒഞ്ചിയം പഞ്ചായത്ത് പ്രസിഡന്റ് നവാസ് സി കെ ഉദ്ഘാടനം ചെയ്തു.
ഇരുട്ടിന്റെ മറവില്‍ നാടിന്റെ സമാധാനം തകര്‍ക്കുന്നവരെ നിയമത്തിനു മുമ്പില്‍ കൊണ്ടുവരണമെന്ന് അദ്ദേഹം പറഞ്ഞു. എസ്ഡിപിഐ ഒഞ്ചിയം പഞ്ചായത്ത് സെക്രട്ടറി റിയാസ് എംകെ, വടകര മണ്ഡലം കമ്മിറ്റി അംഗം റഹീസ് എം കെ, ഫായിസ് നാദാപുരം റോഡ്, ഉനൈസ് ഒഞ്ചിയം, നൗഷാദ് പി കെ, അന്‍വര്‍ വിവി, അര്‍ഷാദ് മാളിയേക്കല്‍, ഷമീര്‍ എകെ, റഹ്‌മാന്‍, ഷെബീര്‍ എന്നിവര്‍ നേതൃത്വം നല്‍കി.