വടകര: ഭരണഘടനയുടെ എഴുപത്തി അഞ്ചാം വാര്‍ഷികത്തോടനുബന്ധിച്ച് ഭാരതീയ ദളിത് കോണ്‍ഗ്രസ് സംസ്ഥാനത്തെ 140 
നിയോജക മണ്ഡലം കേന്ദ്രങ്ങളില്‍ അംബേദ്കര്‍ പ്രഭാഷണങ്ങള്‍ നടത്തും. മൈത്രി 140 എന്ന ടാഗ് ലൈനോടുകൂടിയാണ് പരിപാടി നടത്തപ്പെടുന്നത്. ഭരണഘടന ശില്പി ബാബാ സാഹിബ് അംബേദ്കറെ പരസ്യമായി അപമാനിക്കുന്നതിനും അവഹേളിക്കുന്നതിനും നേതൃത്വം നല്‍കുന്ന ഭാരതീയ ജനതാ പാര്‍ട്ടിയുടെ വിദ്വേഷ രാഷ്ട്രീയത്തിനെതിരായിട്ടാണ് പരിപാടി സംഘടിപ്പിക്കുന്നത്.
കോഴിക്കോട് ജില്ലാ ഭാരതീയ ദളിത് കോണ്‍ഗ്രസിന്റെ ആഭിമുഖ്യത്തില്‍ ജില്ലയിലെ 13 കേന്ദ്രങ്ങളില്‍ നടത്തുന്ന പരിപാടിയുടെ ജില്ലാതല ഉദ്ഘാടനം ഫെബ്രുവരി എട്ടിനു വടകരയില്‍ മുന്‍ കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ ഉദ്ഘാടനം ചെയ്യും.
ഭാരതീയ ദളിത് കോണ്‍ഗ്രസ് ജില്ലാ നേതൃയോഗം വടകരയില്‍ കെപിസിസി സെക്രട്ടറി അഡ്വ. ഐ.മൂസ ഉദ്ഘാടനം ചെയ്തു. ജില്ലാ പ്രസിഡണ്ട് ഇ. കെ. ശീതള്‍ രാജ് അധ്യക്ഷത വഹിച്ചു. കോട്ടയില്‍ രാധാകൃഷ്ണന്‍, ശശിധരന്‍ കരിമ്പന പാലം, സുധീര്‍കുമാര്‍ ടിവി, സുരേന്ദ്രന്‍ വി ടി, സാമിക്കുട്ടി പി.പി, സതീശന്‍ കുരിയാടി, പുറന്തോടത്ത് സുകുമാരന്‍, രാകേഷ് കെ ജി, വി കെ പ്രേമന്‍, കേളു കുട്ടി എ കെ, ശ്രീധരന്‍ കോട്ടപ്പള്ളി, കണ്ണന്‍ ചെറുവാടി, തങ്കമണി, ഷഹനാസ്, ഷൈജന്‍ കെ പി എന്നിവര്‍ പ്രസംഗിച്ചു.
