ഭജനമഠം ഗവ.യു പി സ്‌കൂള്‍. കോഴിക്കോട് ഡയറ്റിന്റെ നേതൃത്വത്തില്‍ യുപി ക്ലാസുകളില്‍ ഇംഗ്ലീഷ് പഠനം മെച്ചപ്പെടുത്തുന്നതിനു വേണ്ടി ആവിഷ്‌കരിച്ച ഇഎല്‍ഇപിന്റെ (ഇംഗ്ലീഷ് ലാംഗ്വേജ് എന്റിച്ച്‌മെന്റ് പ്രോഗ്രാം) ഭാഗമായി സ്‌കൂളില്‍ നടന്നുവരുന്ന പ്രവര്‍ത്തനങ്ങളുടെ തുടര്‍ച്ചയായി ഇംഗ്ലീഷ് ഫെസ്റ്റ്- ഇന്‍ഗ്ലോറിയ 2K 25 -സംഘടിപ്പിച്ചു.
മേലടി ഉപജില്ലയില്‍ ഇഎല്‍ഇപി പ്രോഗ്രാം നടത്തി വരുന്ന ഏക വിദ്യാലയമാണ് ഇത്.
വെല്‍ക്കം സോങ്ങ്, കൊറിയോഗ്രഫി, റീഡേഴ്‌സ് തിയറ്റര്‍, സ്‌കിറ്റുകള്‍, പരസ്യചിത്രീകരണം, സ്റ്റോറി ടെല്ലിങ്ങ്, കുക്കറി ഷോ, ഗ്രൂപ്പ് ഡാന്‍സ്, മോണോ ആക്റ്റ്, അശ്വമേധം, സ്റ്റോറി മെയ്ക്കിങ്ങ്, റോള്‍ പ്ലേ, റെസിറ്റേഷന്‍ തുടങ്ങി നിരവധി പരിപാടികളാണ് ഇംഗ്ലീഷ് ഫെസ്റ്റില്‍ അരങ്ങേറിയത്.
ഫെസ്റ്റിന്റെ ഉദ്ഘാടനം പ്രധാനാധ്യാപകന്‍ എം.സി.പ്രമോദ് നിര്‍വ്വഹിച്ചു. പിടിഎ പ്രസിഡന്റ് വി.കെ.മുനീര്‍, എന്‍.സിന്ധു, എസ്എ. ന്‍. ഷൈനി, കെ.അഞ്ജലി, എ.പി. സംഗീത, അഞ്ജലി, വൈഗ വൈഷ്ണവി, ശ്രീലയ എസ്, അനാമിക ആര്‍ എസ്, ശിഖപ്രമോദ് തുടങ്ങിയവര്‍ സംസാരിച്ചു. ഇഎല്‍ഇപി ട്രെയിനര്‍ കെ. അഞ്ജലി, അധ്യാപികമാരായ എസ് .എന്‍. ഷൈനി, എ.പി. സംഗീത എന്നിവര്‍ പരിപാടികള്‍ക്ക് നേതൃത്വം നല്‍കി.
