വടകര: സുന്നി മാനേജ്മെന്റ് അസോസിയേഷൻ (എസ്എംഎ) ജില്ലാ സമ്മേളനത്തിന്റെ
ഭാഗമായി മദ്റസകൾ രാജ്യ നന്മക്ക് എന്ന പ്രമേയത്തിൽ വടകര റോയൽ ഓഡിറ്റോറിയത്തിൽ സെമിനാർ സംഘടിപ്പിച്ചു. കെ.പി. കുഞ്ഞമ്മദ് കുട്ടി എംഎൽഎ സെമിനാർ ഉദ്ഘാടനം ചെയ്തു.
മദ്രസകൾ രാജ്യ പുരോഗതിക്ക് ആവശ്യമാണെന്നും അസത്യങ്ങൾ പ്രചരിപ്പിച്ചു സമൂഹത്തിൽ ഛിദ്രത വളർത്തുന്നവരെ ഭരണകൂടം തിരുത്തണമെന്നും കുഞ്ഞമ്മദ് കുട്ടി പറഞ്ഞു.
ജില്ലാ ട്രെയിനിംഗ് പ്രസിഡണ്ട് സ്വലാഹുദ്ധീൻ മുസ്ലിയാർ അധ്യക്ഷത വഹിച്ചു. അബ്ദു റഷീദ് മുസ്ലിയാർ ആയഞ്ചേരി, മുനീർ സഖാഫി, അബ്ദുറഹ്മാൻ നരിക്കുനി, ഹുസൈൻ കുന്നത്ത്, ഹാരിസ് സഖാഫി, കുഞ്ഞമ്മദ്, ജബ്ബാർ കുറ്റ്യാടി എന്നിവർ സംസാരിച്ചു. കെ.എം അബ്ദുൽ ഹമീദ് സ്വാഗതവും വി.പി.കെ സലാം നന്ദിയും പറഞ്ഞു.
