വടകര: എഴുത്തുകാരനും സംവിധായകനുമായിരുന്ന കെ .പി.സുരേന്ദ്രൻ മാസ്റ്ററുടെ സ്മരണക്കായി കടത്തനാട് റിസർച്ച് സെന്റർ ഏർപ്പെടുത്തിയ പുരസ്കാരത്തിന് രാജാറാം തൈപ്പള്ളിയെ തെരഞ്ഞെടുത്തതായി ഭാരവാഹികൾ അറിയിച്ചു.
10001 രൂപയും പ്രശസ്തിപത്രവും ശിൽപവും അടങ്ങുന്ന പുരസ്കാരം ജനുവരി ആറിന് മടപ്പള്ളി .ഗവ. കോളജിന് സമീപം നടക്കുന്ന ചടങ്ങിൽ വി.ടി.മുരളി സമ്മാനിക്കും.
ഒഞ്ചിയം സ്വദേശിയും അധ്യാപകനും സാംസ്കാരിക പൊതു പ്രവർത്തകനുമായ രാജാറാം തൈപ്പള്ളിയുടെ ‘മണ്ടോടി കണ്ണൻ സമര ജീവിതം’ എന്ന ഗ്രന്ഥമാണ് പുരസ്കാരത്തിന് അർഹമായത്.
ഡോ. പി.കെ.സഭിത്ത്, പ്രൊഫ. ടി.വി.ശ്രീകുമാർ, ഡോ. ഷീനാ ജോസഫ് എന്നിവരടങ്ങിയ ജൂറിയാണ് പുരസ്കാര ജേതാവിനെ തെരഞ്ഞെടുത്തത്. വാർത്താ സമ്മേളനത്തിൽ ഡോ. പി.കെ.സഭിത്ത്, ജെ. നിധിൻ, ഡോ. പി.പി.ഷാജു, കെ.പി.ദിലു, അക്ഷയ് കുമാർ എന്നിവർ പങ്കെടുത്തു.
