ബന്ധിതമായി പൂര്‍ത്തിയാക്കി കമ്മീഷന്‍ ചെയ്യണമെന്ന് താലുക്ക് വികസന സമിതി യോഗം ആവശ്യപ്പെട്ടു. ഇതിനായി വെട്ടിപ്പൊളിച്ച റോഡുകള്‍ പൂര്‍വസ്ഥിതിയിലാക്കണം. കുന്നുമ്മല്‍ പഞ്ചായത്തില്‍ മാത്രമാണിത് പൂര്‍ത്തിയാക്കിയത്. 21 പഞ്ചായത്തുകളിലും പൂര്‍ത്തിയാക്കേണ്ടതുണ്ട്. ജല്‍ജീവന്‍ മിഷന്‍ പദ്ധതിയെപ്പറ്റി പരാതി വര്‍ധിച്ചതോടെ വാട്ടര്‍ അതോററ്ററി ഉദ്യോഗസ്ഥരെ യോഗത്തിലേക്ക് വിളിച്ച് വരുത്തുകയായിരുന്നു. ഒഞ്ചിയം പഞ്ചായത്ത് പ്രസിഡന്റ് പി.ശ്രീജിത്ത്, അഴിയൂര്‍ പഞ്ചായത്ത് ആയിഷ ഉമ്മര്‍, സമിതി അംഗംങ്ങളായ പി.സുരേഷ് ബാബു, ബാബു ഒഞ്ചിയം
എന്നിവരാണ് വിഷയം ഉന്നയിച്ചത്.
ഒരു കാലത്ത് വടകരയുടെ വായനാകേന്ദ്രമായ മുനിസിപ്പല്‍ ലൈബ്രറിയുടെ ജീര്‍ണാവസ്ഥ പരിഹരിക്കാന്‍ നടപടിയെടുക്കണമെന്ന് താലൂക്ക് വികസന സമിതി ആവശ്യപ്പെട്ടു. വായനക്കാര്‍ കയറാന്‍ മടിക്കുന്ന ഭാര്‍ഗവീനിലയം പോലെയായി ലൈബ്രറി കെട്ടിടം മാറിയിരിക്കുകയാണെന്ന് പരാതി ഉയര്‍ന്നു. മേല്‍ക്കൂരയില്‍ നിന്നു കോണ്‍ക്രീറ്റ് അവശിഷ്ടങ്ങള്‍ നിലംപതിച്ച് ഏത് നിമിഷവും അപകടം സംഭവിക്കാവുന്ന അവസ്ഥയിലാണ്. സമിതി അംഗം പ്രദീപ് ചോമ്പാലയാണ് പ്രശ്‌നം ഉന്നയിച്ചത്. ബസുകള്‍ പെരുവാട്ടും താഴെ -വീരഞ്ചേരി വഴി വരുന്നത് ഒഴിവാക്കി ബൈപ്പാസ് വഴി പോകുന്നത് മൂലം യാത്രക്കാര്‍ ദുരിതം നേരിടുന്ന കാര്യം സമിതി 
അംഗം പി.പി.രാജന്‍ ഉന്നയിച്ചു. മുനിസിപ്പല്‍ കൗണ്‍സിലര്‍ സി കെ കരീം അധ്യക്ഷത വഹിച്ചു. പി എം മുസ്തഫ, കെ.ടി അബ്ദുള്ള, തഹസില്‍ദാര്‍ കെ.എസ്.അഷറഫ്, വകുപ്പ് മേധാവികള്‍ എന്നിവര്‍ സംസാരിച്ചു.
