കൊയിലാണ്ടി: ജിഎസ്ടി എന്‍ഫോഴ്‌സ് ഫോഴ്‌സ് മെന്റ് സ്‌ക്വാഡ് അഴിയൂര്‍ കുഞ്ഞിപ്പള്ളിയില്‍ നടത്തിയ പരിശോധനയില്‍ മണ്ണെണ്ണ പിടികൂടി. ജിഎസ്ടി നിയമപ്രകാരമുള്ള യാതൊരു രേഖകളുമില്ലാതെ ടാങ്കര്‍ ലോറിയില്‍ കൊണ്ടുവരികയായിരുന്ന 20000 ലിറ്റര്‍ വെള്ള മണ്ണെണ്ണയാണ് കൊയിലാണ്ടി ജി. എസ് .ടി എന്‍ഫോഴ്‌സ്‌മെന്റ് സ്‌ക്വാഡ് കുഞ്ഞിപ്പള്ളിയില്‍ നടത്തിയ റെയ്ഡില്‍ പിടികൂടിയത്.
ജിഎസ്ടി എന്‍ഫോഴ്‌സ്‌മെന്റ് വിഭാഗം ജോ കമ്മീഷണര്‍, ഡെപ്യൂട്ടികമ്മീഷണര്‍ എന്നിവരുടെ നിര്‍ദേശപ്രകാരം കൊയിലാണ്ടി എന്‍ഫോഴ്‌സ്‌മെന്റ് ഓഫീസര്‍ ജി.വി.പ്രമോദ്, ഡെപ്യൂട്ടി എന്‍ഫോഴ്‌സ്‌മെന്റ് ഓഫീസര്‍ ഇ.കെ.ശിവദാസന്‍, വി.ജെ.റിന്‍സ്, ജെ.ബിജു, കെ.പി.രാജേഷ്, സി.ബിനു, പി.ജിതിന്‍ ബാബു, കെ.ലതീഷ്, അസി.ഓഫീസര്‍മാരായ പി.കെ.നിജാസ്, കെ.ബിനേഷ്, പി.വി.സുകുമാരന്‍ എന്നിവരടങ്ങിയ സ്‌ക്വാഡാണ് കുഞ്ഞിപ്പള്ളിയില്‍ കര്‍ണാടക രജിസ്‌ട്രേഷനിലുള്ള ടാങ്കര്‍ ലോറി പിടികൂടിയത്.
കേരളത്തിലേക്ക് വ്യാപകമായി ടാങ്കര്‍ലോറിയില്‍ വെള്ള മണ്ണെണ്ണ കടത്തുന്നതായി നേരത്തെ പരാതി ഉണ്ടായിരുന്നു. മണ്ണെണ്ണയുമായെത്തിയ മറ്റൊരു ടാങ്കര്‍ ലോറി തളിപ്പറമ്പില്‍ നിന്ന് പിടികൂടിയിട്ടുണ്ട്.
