ജൽ ജീവൻ മിഷൻ പദ്ധതി: ചോറോട് പഞ്ചായത്ത് ജനപ്രതിനിധികൾ സമരത്തിലേക്ക്

കൈനാട്ടി: ജൽ ജീവൻ മിഷൻ പദ്ധതി പ്രകാരം ചോറോട് ഗ്രാമ പഞ്ചായത്തിലെ മുഴുവൻ റോഡുകളിലും കുടിവെള്ള പൈപ്പ്
സ്ഥാപിക്കുന്നതിന്റെ ഭാഗമായി കുഴിയെടുത്തതു കാരണം കാൽനടയാത്ര പോലും ദുഷ്കരമായി.  എത്രയും വേഗത്തിൽ റോഡുകൾ പൂർവ്വസ്ഥിതിയിലാക്കണമെന്നാവശ്യപ്പെടു ചോറോട് ഗ്രാമ പഞ്ചായത്തിലെ മുഴുവൻ മെമ്പർമാരും ജനുവരി 3 ന് രാവിലെ 10 മണിക്ക് ജല അതോറിറ്റി ഓഫിസിന് മുമ്പിൽ സമരം ചെയ്യുo.  റോഡുകളിൽ കാൽനട പോലും പ്രയാസകരമായതിനെ തുടർന്ന് വ്യാപക പ്രതിഷേധo ഉയർന്നിരുന്നു. ജല വകുപ്പ് അധികൃതർ, കരാർ ഏജൻസി, ജനപ്രതിനിധികൾ എന്നിവരുടെ യോഗങ്ങൾ വിളിച്ചു ചേർക്കുകയും പരിഹാര നിർദേശങ്ങൾ തീരുമാനിക്കുകയും ചെയ്തിരുന്നു. നടപടി ഉണ്ടാകാത്തതിനെ തുടര്‍ന്ന്‌
കഴിഞ്ഞ മാസം പഞ്ചായത്ത് പ്രസിഡന്റ് പി.പി.ചന്ദ്രശേഖരന്റെ നേതൃത്വത്തിൽ പഞ്ചായത്ത് അംഗങ്ങൾ ജല വകുപ്പിന്റെ വടകര ഓഫിസിലെത്തി കാര്യങ്ങൾ ചർച്ച ചെയ്തതിനെ തുടർന്ന് ഡിസം: 30 ന് മുമ്പ് എല്ലാ റോഡുകളും സഞ്ചാരയോഗ്യമാക്കുമെന്ന് ഉറപ്പ് നൽകിയിരുന്നു.  ഈ ദിവസമായിട്ടും യാതൊരു പ്രവൃത്തിയും ആരംഭിച്ചിട്ടില്ല. കഴിഞ്ഞ ദിവസം ചേർന്ന പഞ്ചായത്ത് ഭരണസമിതി യോഗം ഐക്യകണ്ഠേന സമരം തീരുമാനിക്കുകയായിരുന്നു. പഞ്ചായത്ത് പ്രസിഡന്റ് പി.പി.ചന്ദ്രശേഖരൻ അധ്യക്ഷത വഹിച്ചു. വൈസ് പ്രസിഡന്റ് രേവതി പെരുവാണ്ടിയിൽ, സ്ഥിരം സമിതി അധ്യ കെ.മധുസൂദനൻ, ശ്യാമള പൂവ്വേരി, സി.നാരായണൻ, അംഗങ്ങളായ പ്രസാദ് വിലങ്ങിൽ, കെ.കെ. റിനീഷ്, വി.പി.അബൂബക്കർ, ടി.പി. മനീഷ് കുമാർ, പ്രിയങ്ക സി.പി. എന്നിവർ സംസാരിച്ചു.