പെ​രി​യ കേ​സ്: പ്ര​തി​ക​ളു​ടെ ര​ക്ഷാ​ധി​കാ​രി മു​ഖ്യ​മ​ന്ത്രി​യെ​ന്ന് ഷാ​ഫി പ​റ​മ്പി​ൽ

ന്യൂഡല്‍ഹി: പെ​രി​യ​യി​ൽ യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​രാ​യ കൃ​പേ​ഷി​നെ​യും ശ​ര​ത് ലാ​ലി​നെ​യും വെ​ട്ടി​ക്കൊ​ല​പ്പെ​ടു​ത്തി​യ കേ​സി​ലെ പ്ര​തി​ക​ളു​ടെ ര​ക്ഷാ​ധി​കാ​രി മു​ഖ്യ​മ​ന്ത്രി പി​ണ​റാ​യി വി​ജ​യ​നെ​ന്ന് ഷാ​ഫി പ​റ​മ്പി​ൽ എം​പി.
പ്ര​തി​ക​ളെ ര​ക്ഷി​ക്കാ​ൻ അ​ന്ന​ത്തെ അ​ന്വേ​ഷ​ണ സം​ഘം ശ്ര​മി​ച്ചെ​ന്നും സ​ർ​ക്കാ​ർ ഖ​ജ​നാ​വി​ൽ നി​ന്ന് പ്ര​തി​ക​ൾ​ക്ക് വേ​ണ്ടി പ​ണം ഒ​ഴു​കി​യെ​ന്നും ഷാ​ഫി പ​റ​മ്പി​ൽ ആ​രോ​പി​ച്ചു. കൊ​ല​പാ​ത​ക​ത്തി​ൽ നി​ന്ന് സി​പി​എ​മ്മി​ന് ഒ​ളി​ച്ചോ​ടാ​നാ​കി​ല്ലെ​ന്നു ഷാ​ഫി പ​റ​ഞ്ഞു. ഗൂഢാലോചനയില്‍ പങ്കെടുത്തവരെ വെറുതെ വിട്ടതില്‍ നിരാശയുണ്ട്. പെരിയയില്‍ നടന്നത് മുന്‍കൂട്ടി തീരുമാനിച്ച് നടത്തിയ കൊലപാതകമെന്ന് വ്യക്തമാണെന്നും ഷാഫി പറമ്പില്‍ പറഞ്ഞു. പാര്‍ട്ടി തിരക്കഥയെഴുതി, പാര്‍ട്ടി സംവിധാനം ചെയ്ത്, പാര്‍ട്ടി നടത്തിയ കൊലപാതകമാണത്. നീതി അട്ടിമറിക്കാന്‍ സര്‍ക്കാര്‍ ജനങ്ങളുടെ പണം ചിലവഴിച്ചു. ശരത് ലാലിന്റെയും കൃപേഷിന്റെയും കുടുംബം നല്‍കുന്ന പണം ചിലവഴിച്ച് പ്രതികളെ രക്ഷിക്കാന്‍ ശ്രമിച്ചു. അത് സിപിഎം തിരിച്ചടയ്ക്കണമെന്നും ഷാഫി പറമ്പില്‍ പറഞ്ഞു.