വടകര: പ്രമുഖ സോഷ്യലിസ്റ്റും വടകരയുടെ മുന്‍ എംഎല്‍എയും ആര്‍ജെഡി സംസ്ഥാന വൈസ് പ്രസിഡന്റുമായ 
അഡ്വ.എം.കെ.പ്രേംനാഥ് ഓര്‍മയായിട്ട് ഒരു വര്‍ഷം. ആര്‍ജെഡി നേതൃത്വത്തില്‍ വിവിധ കേന്ദ്രങ്ങളില്‍ അനുസ്മരണ പരിപാടികള്‍ നടക്കുകയാണ്.
ആര്‍ജെഡി പുത്തന്‍തെരു-കുരിക്കിലാട് യൂനിറ്റ് ആഭിമുഖ്യത്തില്‍ എം.കെ.പ്രേംനാഥ് സ്മൃതിദിനമായ ഇന്ന് അദ്ദേഹത്തിന്റെ ഛായാചിത്രത്തിനു മുന്നില്‍ പുഷ്പാര്‍ച്ചന നടത്തി. ശ്രീജേഷ് നാഗപ്പള്ളി, ബാലമുരളീധരന്‍ നടക്കേന്റവിട, ഗംഗാധരന്‍ ചിങ്ങന്റവിട, കെ എം രാജന്‍, ബാബു കൊടക്കാട്ട് എന്നിവര്‍ നേതൃത്വം നല്‍കി.
വട്ടോളി: സോഷ്യലിസ്റ്റ് നേതാവായിരുന്ന എം.കെ.പ്രേംനാഥിനെ ആര്‍ജെഡി. കുന്നുമ്മല്‍ പഞ്ചായത്ത് കമ്മിറ്റിയുടെ നേതൃത്യത്തില്‍ അനുസ്മരിച്ചു.
പാതിരിപ്പറ്റ ചെറിയ കൈവേലിയില്‍ നടന്ന ചടങ്ങില്‍ പി.എം.കുഞ്ഞബ്ദുള്ള അധ്യക്ഷത വഹിച്ചു. ആര്‍ജെഡി നേതാവ് നീലീയോട്ട് നാണു ഉദ്ഘാടനം ചെയ്തു. കുന്നുമ്മല്‍ പഞ്ചായത്ത് ആര്‍ജെഡി നേതാക്കളായ വി.പി.വാസു, എ.പി.സുമേഷ്, എം.ചന്ദ്രന്‍, 
എം.കെ.വിനോദന്‍ എന്നിവര്‍ അനുസ്മരിച്ചു.
