കടമേരി: കല്യാണ വീട്ടില്‍ ഷോക്കേറ്റ് മരണത്തോട് മല്ലടിച്ച പാചകത്തൊഴിലാളിയെ സാഹസികമായി രക്ഷപ്പെടുത്തിയ കടമേരി 
കീരിയങ്ങാടി സ്വദേശി പറമ്പത്ത് സഹദിനെ ആദരിച്ചു. യുഎഇയിലുള്ള കടമേരി സ്വദേശികളുടെ കൂട്ടായ്മയായ ‘ഖിദ്മ’ കമ്മിറ്റിയുടെ ആഭിമുഖ്യത്തിലാണ് ആദരവ് സംഘടിപ്പിച്ചത്.
പ്രദേശത്തെ ഒരു കല്യാണവീട്ടില്‍ പാചക ജോലിക്ക് എത്തിയ തീക്കുനി സ്വദേശിയായ ജുനൈദിന് അബദ്ധത്തില്‍ ഷോക്കേല്‍ക്കുകയായിരുന്നു. അബോധാവസ്ഥയില്‍ നിലം പതിച്ച ജുനൈദിനെ എന്ത് ചെയ്യണമെന്നറിയാതെ ഓടിക്കൂടിയ ജനം പരിഭ്രാന്തിയില്‍ നില്‍ക്കുമ്പോഴാണ് രക്ഷകനായി സഹദ് എത്തിയത്. ട്രോമാ കെയര്‍ വളണ്ടിയര്‍ കൂടിയായ സഹദ് ഉടന്‍തന്നെ വൈദ്യുതി ബന്ധം വിച്ഛേദിച്ച് കൃത്രിമ ശ്വാസം നല്‍കുകയും ഹൃദയമിടിപ്പ് പുനഃസ്ഥാപിക്കുന്നതിനുള്ള നടപടികള്‍ സ്വീകരിക്കുകയും ചെയ്തു. സഹദിന്റെ അവസരോചിതമായ ഇടപെടലാണ് ജുനൈദിന്റെ ജീവന്‍ രക്ഷിക്കാനായത്.
അനുമോദന പരിപാടി വാര്‍ഡ് മെമ്പര്‍ ടി.കെ.ഹാരിസ് ഉദ്ഘാടനം ചെയ്തു. ഖിദ്മ പ്രസിഡന്റ് ഫൈസല്‍ ചാലില്‍ അധ്യക്ഷത വഹിച്ചു. ചടങ്ങില്‍ വി.കെ. ഷംസുദ്ദീന്‍, പാറമ്മല്‍ ഇബ്രാഹിം, എന്‍. കെ. നാസര്‍, ടി.കെ. അഷറഫ് നുപ്പറ്റ, സി.കെ. ഫൈസല്‍, നിസാര്‍ രയരോത്ത്, പി.സി. അജ്മല്‍, മുനീര്‍ നാച്ചാണ്ടി എന്നിവര്‍ സംസാരിച്ചു. നാസര്‍ ഒതയോത്ത് സ്വാഗതവും മഷ്ഹൂദ് പൂവുള്ളതില്‍ നന്ദിയും പറഞ്ഞു.
ഗ്രാമപഞ്ചായത്തിലെ പാലിയേറ്റീവ് പ്രവര്‍ത്തകരില്‍ മുന്‍നിരയില്‍ പ്രവര്‍ത്തിക്കുന്ന പറമ്പത്ത് സഹദ് അറിയപ്പെടുന്ന യുവ കര്‍ഷകനും പരിസ്ഥിതി പ്രവര്‍ത്തകനുമാണ്. സ്‌കൂളുകള്‍ കേന്ദ്രീകരിച്ച് ധാരാളം ഫലവൃക്ഷ തൈകള്‍ വിതരണം ചെയ്ത് ഇതിനകം തന്നെ നിരവധി പുരസ്‌കാരങ്ങള്‍ കരസ്ഥമാക്കി. പഞ്ചായത്തിലെ മികച്ച യുവകര്‍ഷകനുള്ള ഈ വര്‍ഷത്തെ അവാര്‍ഡ് സഹദിനാണ് ലഭിച്ചത്. ജനങ്ങള്‍ അത്യാവശ്യമായി ആശ്രയിക്കേണ്ട കേരളത്തിലെ സര്‍ക്കാര്‍ ഓഫീസുകളുടെ
പ്രവര്‍ത്തനങ്ങളെല്ലാം ഒരു കുടക്കീഴില്‍ കൊണ്ടുവരുന്നതിനുള്ള ഗൂഗിള്‍ ആപ്പിന്റെ പണിപ്പുരയിലാണ് സഹദ്.
കീരിയങ്ങാടി സ്വദേശി പറമ്പത്ത് സഹദിനെ ആദരിച്ചു. യുഎഇയിലുള്ള കടമേരി സ്വദേശികളുടെ കൂട്ടായ്മയായ ‘ഖിദ്മ’ കമ്മിറ്റിയുടെ ആഭിമുഖ്യത്തിലാണ് ആദരവ് സംഘടിപ്പിച്ചത്.പ്രദേശത്തെ ഒരു കല്യാണവീട്ടില്‍ പാചക ജോലിക്ക് എത്തിയ തീക്കുനി സ്വദേശിയായ ജുനൈദിന് അബദ്ധത്തില്‍ ഷോക്കേല്‍ക്കുകയായിരുന്നു. അബോധാവസ്ഥയില്‍ നിലം പതിച്ച ജുനൈദിനെ എന്ത് ചെയ്യണമെന്നറിയാതെ ഓടിക്കൂടിയ ജനം പരിഭ്രാന്തിയില്‍ നില്‍ക്കുമ്പോഴാണ് രക്ഷകനായി സഹദ് എത്തിയത്. ട്രോമാ കെയര്‍ വളണ്ടിയര്‍ കൂടിയായ സഹദ് ഉടന്‍തന്നെ വൈദ്യുതി ബന്ധം വിച്ഛേദിച്ച് കൃത്രിമ ശ്വാസം നല്‍കുകയും ഹൃദയമിടിപ്പ് പുനഃസ്ഥാപിക്കുന്നതിനുള്ള നടപടികള്‍ സ്വീകരിക്കുകയും ചെയ്തു. സഹദിന്റെ അവസരോചിതമായ ഇടപെടലാണ് ജുനൈദിന്റെ ജീവന്‍ രക്ഷിക്കാനായത്.
അനുമോദന പരിപാടി വാര്‍ഡ് മെമ്പര്‍ ടി.കെ.ഹാരിസ് ഉദ്ഘാടനം ചെയ്തു. ഖിദ്മ പ്രസിഡന്റ് ഫൈസല്‍ ചാലില്‍ അധ്യക്ഷത വഹിച്ചു. ചടങ്ങില്‍ വി.കെ. ഷംസുദ്ദീന്‍, പാറമ്മല്‍ ഇബ്രാഹിം, എന്‍. കെ. നാസര്‍, ടി.കെ. അഷറഫ് നുപ്പറ്റ, സി.കെ. ഫൈസല്‍, നിസാര്‍ രയരോത്ത്, പി.സി. അജ്മല്‍, മുനീര്‍ നാച്ചാണ്ടി എന്നിവര്‍ സംസാരിച്ചു. നാസര്‍ ഒതയോത്ത് സ്വാഗതവും മഷ്ഹൂദ് പൂവുള്ളതില്‍ നന്ദിയും പറഞ്ഞു.ഗ്രാമപഞ്ചായത്തിലെ പാലിയേറ്റീവ് പ്രവര്‍ത്തകരില്‍ മുന്‍നിരയില്‍ പ്രവര്‍ത്തിക്കുന്ന പറമ്പത്ത് സഹദ് അറിയപ്പെടുന്ന യുവ കര്‍ഷകനും പരിസ്ഥിതി പ്രവര്‍ത്തകനുമാണ്. സ്‌കൂളുകള്‍ കേന്ദ്രീകരിച്ച് ധാരാളം ഫലവൃക്ഷ തൈകള്‍ വിതരണം ചെയ്ത് ഇതിനകം തന്നെ നിരവധി പുരസ്‌കാരങ്ങള്‍ കരസ്ഥമാക്കി. പഞ്ചായത്തിലെ മികച്ച യുവകര്‍ഷകനുള്ള ഈ വര്‍ഷത്തെ അവാര്‍ഡ് സഹദിനാണ് ലഭിച്ചത്. ജനങ്ങള്‍ അത്യാവശ്യമായി ആശ്രയിക്കേണ്ട കേരളത്തിലെ സര്‍ക്കാര്‍ ഓഫീസുകളുടെ
പ്രവര്‍ത്തനങ്ങളെല്ലാം ഒരു കുടക്കീഴില്‍ കൊണ്ടുവരുന്നതിനുള്ള ഗൂഗിള്‍ ആപ്പിന്റെ പണിപ്പുരയിലാണ് സഹദ്.
