കുളങ്ങരത്ത്-നമ്പ്യത്താന്‍കുണ്ട്-വാളൂക്ക്-വിലങ്ങാട് റോഡ് ഉദ്ഘാടനം ചെയ്തു

കക്കട്ടില്‍: കിഫ്ബി പദ്ധതിയില്‍ ഉള്‍പ്പെടുത്തി നവീകരിച്ച കുളങ്ങരത്ത്-നമ്പ്യത്താന്‍കുണ്ട്-വാളൂക്ക്-വിലങ്ങാട് റോഡിന്റെ ഉദ്ഘാടനം പൊതുമരാമത്ത് ടൂറിസം വകുപ്പ് മന്ത്രി പി.എ.മുഹമ്മദ് റിയാസ് ഓണ്‍ലൈനായി നിര്‍വഹിച്ചു. ഇ.കെ.വിജയന്‍ എംഎല്‍എ അധ്യക്ഷനായി. നാദാപുരം നിയോജക മണ്ഡലത്തിലൂടെ കടന്നുപോകുന്ന 16.5 കിലോമീറ്റര്‍ റോഡിന്റെ പ്രവൃത്തിയാണ് പൂര്‍ത്തീകരിച്ചത്. ചടങ്ങില്‍ നരിപ്പറ്റ ഗ്രാമപഞ്ചായത്ത് പ്രസിഡന്റ് സജ്‌ന മണ്ണൂര്‍, ജില്ലാ പഞ്ചായത്ത് മെമ്പമാരായ സി.എം.യശോദ, രാധിക ചിറയില്‍, ബ്ലോക്ക് പഞ്ചായത്ത് മെമ്പര്‍മാരായ സരിതാ മുരളി, ടി.വത്സല, എം.എം.റോയ്, എക്‌സിക്യൂട്ടീവ് എഞ്ചിനീയര്‍മാരായ പി.രജീന, പി.ബി.ബൈജു എന്നിവര്‍ സംസാരിച്ചു.