നാദാപുരം: വളയത്ത് യുവസൈനികനെ ജീവനൊടുക്കിയ നിലയില്‍ കണ്ടെത്തി.
താനിമുക്കിലെ പടിഞ്ഞാറെ നെല്ലിയുള്ള പറമ്പത്ത് എം.വി.സനല്‍കുമാറിനെയാണ് (കുട്ടാപ്പു-30) തൂങ്ങി മരിച്ച നിലയില്‍ കണ്ടെത്തിയത്. 10 മദ്രാസ് റജിമെന്റിലെ സൈനികനായ സനല്‍കുമാറിനെ ഇന്ന് രാവിലെയാണ് വീട്ടിനു പുറത്തെ സണ്‍ഷേഡിന്റെ ഹൂക്കില്‍ തൂങ്ങിയ നിലയില്‍ കാണപ്പെട്ടത്.
മാസങ്ങളായി ജോലിക്ക് പോവാതെ വീട്ടില്‍ തന്നെ ആയിരുന്നു. കഴിഞ്ഞ ദിവസം സനലിനെ അന്വേഷിച്ച് വളയം പോലീസ് അധികൃതര്‍ വീട്ടിലെത്തുകയും ജോലിയില്‍ പ്രവേശിക്കാന്‍ നിര്‍ദ്ദേശം നല്‍കുകയും ചെയ്തിരുന്നു. ഇതേ തുടര്‍ന്ന് ഇന്ന് ജോലി സ്ഥലത്തേക്ക് പോവുമെന്ന് സനല്‍ വിട്ടുകാരോടും സുഹൃത്തുക്കളോടും പറഞ്ഞിരുന്നു.
ഇതിനു പിന്നാലെയാണ് ഇയാളെ തൂങ്ങിയ നിലയില്‍ കാണുന്നത്. വളയം പോലീസ് ഇന്‍ക്വസ്റ്റ് നടപടികള്‍ പൂര്‍ത്തിയാക്കി മൃതദേഹം പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും.
