കൊയിലാണ്ടി: ചെങ്ങോട്ടുകാവ് മേല്പ്പാലം മുതല് കൊയിലാണ്ടി ടൗണ് വരെയുള്ള റോഡരികുകള് മഴ പെയ്തതോടെ ചളിക്കുളമായി മാറി. റീ ടാറിംഗിന് ശേഷം അരികിലിട്ട 
ചുവന്ന മണ്ണ് ഇപ്പോള് കാല്നടയാത്രക്കാര്ക്കും ഇരുചക്ര വാഹനയാത്രക്കാര്ക്കും ശല്യമായി. വ്യാപാരികളും കടകളിലേക്ക് വരുന്നവരും ചളി ചാടിക്കടക്കേണ്ട സ്ഥിതിയാണ്.
സ്കൂള് കുട്ടികള് ഉള്പ്പെടെ നൂറുകണക്കിനാളുകള് ദിവസവും ഈ വഴി സഞ്ചരിക്കുമ്പോള് സുരക്ഷിതമായി നടക്കാന് പോലും കഴിയാത്ത അവസ്ഥ. റോഡരികിലേക്ക് ഇറങ്ങുന്നവര് തെന്നിവീഴാനുള്ള സാധ്യതയും വര്ധിച്ചിരിക്കുകയാണ്. ജനപ്രതിനിധികള് അടക്കമുള്ളവര് പ്രശ്നത്തിന് പരിഹാരം കാണണമെന്ന ആവശ്യം ശക്തമായിരിക്കുകയാണ്.
